Rashid Khan Marriage: ਅਫਗਾਨਿਸਤਾਨ ਦੇ ਸਟਾਰ ਸਪਿਨਰ ਰਾਸ਼ਿਦ ਖਾਨ ਨੇ ਵਿਆਹ ਕਰਵਾ ਲਿਆ ਹੈ। ਰਾਸ਼ਿਦ ਦਾ ਵਿਆਹ ਅਫਗਾਨਿਸਤਾਨ ਦੀ ਰਾਜਧਾਨੀ ਕਾਬੁਲ ਵਿੱਚ ਹੋਇਆ। ਅਫਗਾਨ ਸਪਿਨਰ ਦਾ ਵਿਆਹ ਪਸ਼ਤੂਨ ਰੀਤੀ-ਰਿਵਾਜਾਂ ਅਨੁਸਾਰ ਹੋਇਆ ਸੀ। ਵਾਇਰਲ ਹੋਈਆਂ ਤਸਵੀਰਾਂ ਮੁਤਾਬਕ ਰਾਸ਼ਿਦ ਦਾ ਵਿਆਹ 3 ਅਕਤੂਬਰ ਵੀਰਵਾਰ ਨੂੰ ਹੋਇਆ ਸੀ। ਉਨ੍ਹਾਂ ਦੇ ਵਿਆਹ ‘ਚ ਅਫਗਾਨਿਸਤਾਨ ਦੇ ਸਾਰੇ ਕ੍ਰਿਕਟਰ ਸ਼ਾਮਲ ਹੋਏ। ਰਾਸ਼ਿਦ ਦੇ ਵਿਆਹ ਦੀਆਂ ਸਾਰੀਆਂ ਤਸਵੀਰਾਂ ਸੋਸ਼ਲ ਮੀਡੀਆ ‘ਤੇ ਤੇਜ਼ੀ ਨਾਲ ਵਾਇਰਲ ਹੋ ਰਹੀਆਂ ਹਨ।
Historical Night ????
Kabul is hosting the wedding ceremony of the prominent Afghan cricket star and our CAPTAIN ???? Rashid Khan ???? ???????? @rashidkhan_19
Rashid Khan ???? and his three brother got married at same day.
Wishing him a and his thee brother happy and healthy life ahead! pic.twitter.com/YOMuyfMMXP
— Afghan Atalan ???????? (@AfghanAtalan1) October 3, 2024
ਖਬਰਾਂ ਮੁਤਾਬਕ ਰਾਸ਼ਿਦ ਦੇ ਨਾਲ ਉਨ੍ਹਾਂ ਦੇ ਤਿੰਨ ਭਰਾਵਾਂ ਨੇ ਵੀ ਵਿਆਹ ਕਰਵਾ ਲਿਆ ਹੈ। ਰਿਪੋਰਟਾਂ ‘ਚ ਇਹ ਵੀ ਦਾਅਵਾ ਕੀਤਾ ਜਾ ਰਿਹਾ ਹੈ ਕਿ ਰਾਸ਼ਿਦ ਨੇ ਰਿਸ਼ਤੇਦਾਰਾਂ ਕਾਰਨ ਹੀ ਵਿਆਹ ਕਰਵਾਇਆ ਸੀ। ਦੇਖਿਆ ਜਾਵੇ ਤਾਂ ਉਸ ਨੇ ਵਿਆਹ ਕਰਵਾ ਕੇ ਵੱਡਾ ਵਾਅਦਾ ਤੋੜ ਦਿੱਤਾ। ਅਸਲ ‘ਚ ਕੁਝ ਸਾਲ ਪਹਿਲਾਂ ਰਾਸ਼ਿਦ ਨੇ ਆਪਣੇ ਇੰਟਰਵਿਊ ‘ਚ ਕਿਹਾ ਸੀ ਕਿ ਅਫਗਾਨਿਸਤਾਨ ਟੀਮ ਦੇ ਵਿਸ਼ਵ ਕੱਪ ਜਿੱਤਣ ਤੋਂ ਬਾਅਦ ਉਹ ਵਿਆਹ ਕਰਨਗੇ। ਹਾਲਾਂਕਿ, ਧਿਆਨ ਯੋਗ ਹੈ ਕਿ 2024 ਵਿੱਚ ਅਫਗਾਨਿਸਤਾਨ ਪਹਿਲੀ ਵਾਰ ਟੀ-20 ਵਿਸ਼ਵ ਕੱਪ ਦੇ ਸੈਮੀਫਾਈਨਲ ਵਿੱਚ ਪਹੁੰਚਿਆ ਸੀ।
Scene outside Kabul imperial continental hotel which is hosting the wedding ceremony of King Khan ???????????? pic.twitter.com/JSZuWiAIIn — Team ℛashid Khan (@RashidKhanRK19) October 3, 2024
ਅਫਗਾਨਿਸਤਾਨ ਦੇ ਕਈ ਕ੍ਰਿਕਟਰ ਇਸ ਵਿਆਹ ‘ਚ ਸ਼ਾਮਲ ਹੋਏ
ਰਾਸ਼ਿਦ ਦੇ ਵਿਆਹ ‘ਚ ਅਫਗਾਨਿਸਤਾਨ ਕ੍ਰਿਕਟ ਟੀਮ ਲਈ ਖੇਡਣ ਵਾਲੇ ਉਸ ਦੇ ਸਾਰੇ ਸਾਥੀ ਕ੍ਰਿਕਟਰਾਂ ਨੇ ਸ਼ਿਰਕਤ ਕੀਤੀ। ਵਿਆਹ ‘ਚ ਟੀਮ ਦੇ ਦਿੱਗਜ ਆਲਰਾਊਂਡਰ ਮੁਹੰਮਦ ਨਬੀ ਨਜ਼ਰ ਆਏ। ਇਸ ਤੋਂ ਇਲਾਵਾ ਆਲਰਾਊਂਡਰ ਅਜ਼ਮਤੁੱਲਾ ਉਮਰਜ਼ਈ ਵੀ ਨਜ਼ਰ ਆਏ। ਰਾਸ਼ਿਦ ਦੇ ਵਿਆਹ ‘ਚ ਨਜੀਬੁੱਲਾ ਜ਼ਦਰਾਨ, ਰਹਿਮਤ ਸ਼ਾਹ ਅਤੇ ਮੁਜੀਬ ਉਰ ਰਹਿਮਾਨ ਸਮੇਤ ਕਈ ਹੋਰ ਸਿਤਾਰੇ ਨਜ਼ਰ ਆਏ। ਅਫਗਾਨਿਸਤਾਨ ਕ੍ਰਿਕਟ ਬੋਰਡ ਦੇ ਸੀਈਓ ਨਸੀਬ ਖਾਨ ਨੇ ਵੀ ਰਾਸ਼ਿਦ ਦੇ ਵਿਆਹ ਵਿੱਚ ਸ਼ਿਰਕਤ ਕੀਤੀ।
ਰਾਸ਼ਿਦ ਦੀ ਕਪਤਾਨੀ ‘ਚ ਟੀਮ ਸੈਮੀਫਾਈਨਲ ‘ਚ ਪਹੁੰਚੀ ਸੀ।
ਰਾਸ਼ਿਦ ਖਾਨ ਨੂੰ ਅਮਰੀਕਾ ਅਤੇ ਵੈਸਟਇੰਡੀਜ਼ ਦੁਆਰਾ ਆਯੋਜਿਤ ਟੀ-20 ਵਿਸ਼ਵ ਕੱਪ 2024 ਵਿੱਚ ਅਫਗਾਨਿਸਤਾਨ ਦੀ ਕਮਾਨ ਸੰਭਾਲਦੇ ਦੇਖਿਆ ਗਿਆ ਸੀ। ਇਹ ਪਹਿਲੀ ਵਾਰ ਸੀ ਜਦੋਂ ਅਫਗਾਨਿਸਤਾਨ ਦੀ ਟੀਮ ਕਿਸੇ ਵੀ ਆਈਸੀਸੀ ਟੂਰਨਾਮੈਂਟ ਦੇ ਸੈਮੀਫਾਈਨਲ ਵਿੱਚ ਦਾਖਲ ਹੋਈ ਸੀ। ਤਜਰਬੇਕਾਰ ਰਾਸ਼ਿਦ ਦੀ ਕਪਤਾਨੀ ਟੀਮ ਲਈ ਹੁਣ ਤੱਕ ਬਹੁਤ ਖੁਸ਼ਕਿਸਮਤ ਸਾਬਤ ਹੋਈ ਹੈ।
– PTC NEWS
